lagmann Odd Gotskalksen

Den merkelegaste mannen av heile ætta er sonen Odd Gottkalkson. Han var født ikring 1500, og 6 år gamal sende faren han til brørne sine i Noreg til oppfostring. Han lærte latin, tysk og dansk. I 1519 er han oppført som skatteytar på Torsnes, "Ott po Torsnes". Han tok utanlandsferder til Danmark og Tyskland, og "det gjekk han vel og han var vellika alle stader". Men han mista meir og meir lysten til å verte prest, særleg etter at han hadde teke til å tvila på den katolske kyrkjelæra. Då faren Gottskalk døydde i 1520, vende Odd heim att til Island og busette seg på garden Reykir. Han tok til å sette over det Nye Testamentet og Luther sine skrifter til islandsk. Han var ein varm tilhengar av Luthers lære. Det nye Testamentet let han trykkast i Roskilde i 1539, og det er den første boka som er trykt på eit norrønt mål. På tittelbladet skreiv han seg "Odtt Norske". Han er kalla "Islands reformator", men heldt seg utanfor stridane om relegionen på øya då dei til sist vart avgjort med våpen. Han vart utnemnt til lagmann på Nord-Island og drukna på ei embetsferd då han skulle fara over Lakså i 1556. Odd lagmann var lovvis og rettvis, og dertil hadde han ord på seg for å vere synsk. Folket på Island heldt mykje av Odd. Odd var gift og hadde ein son Peter, som flytta bort frå Island. Peter var truleg identisk med segnfiguren "Per Islendar" som ikring 1550 tok opp att øydegarden Fresvik i Ullensvang. Segna seier at han måtte røma frå Island på grunn av drap, men at han hadde eigedomar på Island.

  Hendelser

• Han bodde i 1519 på Torsnes, Jondal, Hordaland. Han står oppført med halve Torsnes-gården.

Odd giftet seg med.